Pag 35: Isole
stampa segnala ad un amico

Cimbro - Di indiée Ktunaxa gloam ke internet iz an guatn strument zo lirna di zung in djungen

A naügar bege zo macha übarlem di zungen

Nel Nord America una tribù di nativi ha affidato alla Rete e alla tecnologia la sopravvivenza della propria antica lingua, il Ktunaxa, oggi parlata da appena dodici persone. Attraverso testi, registrazioni e giochi è possibile imparare questo idioma tentando così di salvarlo dall'estinzione.

Ma quella del Ktunaxa non è l'unica storia che parla di minoranze linguistiche e multimedialità tecnologica.

Parole chiave: Nativi d'America (1), Ktunaxa (1), tecnologie (7), minoranze linguistiche (10), lingua (76), giovani (1391), cimbro (167)

Nel Nord America una tribù di nativi ha affidato alla Rete e alla tecnologia la sopravvivenza della propria antica lingua, il Ktunaxa, oggi parlata da appena dodici persone. Attraverso testi, registrazioni e giochi è possibile imparare questo idioma tentando così di salvarlo dall'estinzione. Ma quella del Ktunaxa non è l'unica storia che parla di minoranze linguistiche e multimedialità tecnologica.

 - Süachante Ktuanxa aft internet khinta auz dar portàl bo ma makh lirnen disa zung - 13/06/2012 - Internet

- Süachante Ktuanxa aft internet khinta auz dar portàl bo ma makh lirnen disa zung - 13/06/2012 - Internet

Ber da gloabet ke ünsarna zung iz da khlummanarste vo dar Bèlt veltze. ‘Z izta a zung giredet lai vo zbölf laüt, pitt khummane burtzan pånandar pitt åndre zungen, bo da tage vor tage mochtze mèkhn zuar a starcha globalizatziong. Disa zung, dar Ktunaxa, iz giredet vo a par tribù vo indiée bo da lem in Nord Amerika, in di state vo Columbia, Montana un Idaho.

Stianante nå in date vo dar zelung von 1990 di Ktunaxa soin gest mindar baz viarhundart, ma di zbölve bo da no khånen ren girecht alla di zung soin lai laüt von eltartstn generatziong. Vor ditza vörtmaze ke benn stèrmda di altn laüt, stirbeta di zung o.

‘Z iz vor ditza ke in a par håm detzidart zo nütza di teknologìa, vazzante aft internet registratziongen pin klång vo dar zung, spiln vor di khindar un gisraiba vor alle di sèlnen bo da håm lust zo lirna in Ktunaxa. Un asó di univerisità o håm ågiheft zo studjàrada drau.

Ma gloabet ke ‘z iz gisichar daz péste bo ma hatt gimakh tüan est, umbromm alle di naüng generatziongen soin nå au zo bakhsa nützante hèrta pellar in computer. Tüanante asó dise zboatausankh indiée soin na zo süacha nett zo vela sèm bo da vil åndre håm givelt. Proprio in da sèll redjong vo Amerika, defatti, in ar an bótta hattma giredet vil åndre alte zungen bo da in ta’ vo haüt soin gånt vorlort vor hèrta.

Ma dar Ktunaxa iz nètt da unzege zung bo da hatt givuntet in di teknologìa dar bege zo übarleba. ‘Z izta khennt gimacht a spil zo nütza aft di naüng telèfone (smatphone) bo da lirnt in laüt in klång von börtar vo dar zung Tuvan, giredet vo a khlummana popolatziong bo da lebet tortimitt Siberia un Mongolia.

Stianante nå daz sèll bo da khön di linguiste, anìagladar månat in di Bèlt stèrmda zboa zungen. In hundart djart bartnda soin auzkrapàrt mearar baz halbe von 7000 zungen giredet haüt, un asó an hauf laüt bartn vorliarn soi kultur un soi identità. Un proprio di teknologìa, bo da hatt gitrakh di globalizatziong magat soin guat zo haltaze lente.

A naügar bege zo macha übarlem di zungen
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.

Non sei abilitato alla visualizzaizone del commento.

Non sei abilitato all'invio del commento.

Effettua il Login per poter inviare un commento