Gran festa a Cianacei per i 40 egn de la Crousc Biencia

Grande festa domenica scorsa a Canazei, dove la Croce Bianca ha festeggiato assieme a tutta la comunità i primi quarant'anni di attività. La festa è stata ospitata al centro della Protezione Civile: dopo la messa celebrata da don Stefano Maffei, i vari interventi delle autorità hanno ricordato la storia, i fondatori e l'importante attività quotidiana di questa associazione.

Comunanza e aministradores à recordà l cedean toron de una de la lies che à fat la storia del volontariat de l'Auta Fascia: la Crousc Biencia.

Na defilèda é peeda via da pian de Pareda e la se à serà sù te piaz de la gran majon de la protezion zivila, lo che don Stefano Maffei à òfizià la messa. La presidenta de anché, Marika Plankensteiner, à proferì i recognoscimenc a chi che se dèsc jù da più de 10 egn e amò ai presidenc che à portà inant la lia dal 1974 en cà: Flaviano Riz, Fernando Riz, Tullio Valentini, Paolo Casagranda e Diego Salvador.

Recorc' é vegnui uzè fora: Fernando Riz, president de la Crousc Biencia per 17 egn à recordà la pruma senta, e amò l taxi metù a la leta da Guido Margoni, ajache la soula ambulanza era chela a Vic. Dapò l'é mudà dut, desché à recordà Diego Salvador, stat president fin al 2013: mudamenc tei mesi del socors, tei erc' e ence te la sentes.

L mudament maor é stat canche é vegnù fat la convenzion con l 118, per na lia che laora ades da egn adum ai etres volontadives de la protezion zivila, da la Crousc Checena ai omingn da mont, a chi che porta inant i socorsc. Dut chest te na valèda deschè Fascia che é dalonc da la gran strutures di ospedei.

Bele per recorder valch zifra, la presidenta Marika recorda che demò l'an passà i é stac passa 1200 i entervenc portè inant da la Crousc Biencia su stredes, su portoes da d'invern e sa mont d'istà; passa 92 mile i km fac con si mesi.

Etres diploms, endena la festa é jic a Antonella Winterle, Sebastiano Tabiadon, Erica Bernard, Mirko Decrestina, Michele Verra, Giuliano Berchiolli, Daniel Rizzi e Paolo Mazzel, chest ultim per si 25 egn de servije.

Na mostra de fotos e erc' per l socors la é stata enjignèda te l'ultim partiment del zenter de la protezion zivila de Cianacei.

m.d.

vitaTrentina

Lascia una recensione

avatar
  Subscribe  
Notificami
vitaTrentina

I nostri eventi

vitaTrentina