Di hoachebene gidekht pitt oang

Quasi tutte le vie di accesso agli Altipiani, da Folgaria ad Asiago, sono da poco tempo dotate di sistemi di videosorveglianza in grado di segnalare alle forze dell'ordine il transito di veicoli sospetti in tempo reale. Nove telecamere sorvegliano il centro di Folgaria e ventinove sono invece quelle puntate sui Sette Comuni. A breve il progetto di monitoraggio sarà esteso anche sul territorio di Lavarone e di Lusernaa.

Pitt allz daz sèll bo da iz nå zo khemma vür in dise zaitn soibar sichar zo soina nå sichar aft ünsarne pèrng? Gåntz schaülane sachandarn az bi da soin khennt vür ummar pa bèlt in di lestn månat soin vort bait, ma laüt bo da diapm odar bo da schedegen beratz nètt da earst bòtta bo da khemmen “z'arbata” in ünsarne lentar.

Asó dar kamou vo Folgrait hatt auzgimacht zo khoava un au zo lega nöun telekamere bo da haltn gischauget baztada khinnt vür ummar pa' lånt un ploaz åndre, palle, bartn khemmen gilekh ånka atz Lavrou un atz Lusérn.

Zo vorsa azta khemm gimacht allz ditza soinz gest di folgraitar. Ja umbromm in di lestn zaitn in gåntz Trentino di diap soin hèrta mearar un ånka lai nidar nå in Sommo a par ummaz hatt sa givuntet soi tür offe un 'z haus gisaübart.

Di giunta durchgivüart von burgarmaistar Walter Forrer hatt vürgitrakh disan prodjekt sidar von herbest un von månat vo ludjo dar impiånto iz khennt ågizüntet. Zerante 60 tausankh euro soinda khennt augilekh nöun telekamere bo sa soin guat zo lesa abe alle di targhe von aute bo da pasàrn in lånt. Ma 'z iz nètt allz: azta an auto iz sa gest khennt augimecht tortìmitt in sèlnen bo da mochan khemmen gihaltet a mint, dar komputer bo da registràrt machtz bizzan girade in pintarn vo Folgrait.

Da lestessege arbat, pin gilaichegen impiånto, iz khennt girift proprio in dise tang ka Slege o. Di oang bo da schaun drau aft di Sim Kamöundar soin 29 gilekh af di beng bo da trang affon pèrge. Disar sistema iz guat zo vorstìana ånka azta an auto hatt di revisong odar di asikuratziong giskadart un machtz bizzan girade in politziöt.

Pittar zait berata no in sinnt zo zera åndre 40 tausankh euro au zo dekha pitt dise oang ånka di kamöundar vo Lavrou un Lusérn. Soins sa vünf djar bo da iz khennt ågizüntet di telekamera in platz bo da schaüget zuar in stradù, un sa ploaz vert di pintarn håm givorst å zo maga schaug aft daz sèll bo da iz gest khennt abeginummp.

vitaTrentina

Lascia una recensione

avatar
  Subscribe  
Notificami
vitaTrentina

I nostri eventi

vitaTrentina