La prima domenica di giugno in località Kaserbisn a Fierozzo, si tiene la seconda mostra della Capra Pezzata Mòchena. Durante la manifestazione, i pastori presenteranno le loro specie e al termine della giornata ci sarà la premiazione dei capi migliori. Alle 10.30 sarà celebrata la Messa e, dopo pranzo, si potrà assistere a vari lavori di pastorizia.

En earste to van prochet bart se hòltn kan Kaserbisn, en Vlarotz, de zboate austell va de Plètzet goas van Bersntol. Der to s ist en an sunta asou ber as s ist hoa’m ont boast nèt abia za vertraim se de zait, hòt de moglechket za vinnen se pet de kamaròttn ont de lait van Tol za verhòltn se.

En de doi austell, bart men meing schaung nèt lai de inger goas, ober kia ont hennen aa. S ist a ker an to bou gibt men òcht en de hirtn: en de sai’ òrbet, en de sai’na vicher ont en òlls sèll as geat en u’. S ist za song as de doi òrbet ist gòngen za verliarn se en de leistn jarder ont dòs s ist an vurm za mòchen hearn bichte de doin hirtn as schecket òrbetn.

Derbail de austell, bart men lòng schaung abia as men mòcht der kas ont bos as men kònnt tea’ pet sèll as gem ens de vicher. S sai’ òlls tsunta dinger as kemmen derèckt van vi a’ne kemmen gabèckslt oder zòmmgaleik pet ònders ver za mòchen sa derhòltn en de zait.

S fest bart u’heiven um naina en de vria, men paroat se as en plòtz ver de mess va um zeichena ont a hòlbs. Speiter, de hirtn barn lòng schaung de sai’na plètztn goas ont zamitto bart men meing èssn eppes bòrm kan Birtshaus oder a preatler pet vlaisch sèmm ausbende.

Nomitto s fest geat envire pet en austoal van prais ont pet tenz ont musik, òlla sai’ inngalont. Men offt ver en schea’ bètter asou za plaim nou mear gearn ont verhòltn se an schouber.