Sabato 5 luglio, si è svolta la seconda edizione della notte bianca in Valle dei Mòcheni; quest’anno tutte le attività proposte erano collegate al centesimo anniversario dello scoppio della Prima Guerra Mondiale.

La giornata è cominciata con una visita al fronte austro-ungarico, l’inaugurazione di una mostra fotografica e la visita guidata del percorso “Musil en Bersntol”. Nelle sedi museali “Sog van Rindl” e “Filzerhof” sono state proposte diverse attività. È stato possibile ammirare inoltre alcuni artigiani al lavoro per la creazione della Panca del Minatore.

En sònsta vergòngen as de vimva van heibeger, hòt se gahòltn de bais nòcht en Bersntol. De ist kemmen gamòcht vour zboa jor aa ont haier hòt men tschbunnen za organisiarn sa bider. Men hòt gabèckslt a ker dinger za mòchen sa nèt òlbe glaich, asou as de lait meing òll vòrt sechen eppes mear ont nais.

De leist vòrt, an ettlena hòntbèrker van Tol hom se galeick za houln an troug, haier hom se gamòcht de pònk van Pèrkmandl. Men hòt sa gameicht sechen òrbetn schoa’ van pfinsta zobenz ont en sònsta hòt men s prais gem en peste.

Haier de bais nòcht ist kemmen organisiart ver za denken de hundert jor van sklopp van earste Bèltkriag aa ont an ettlena van dinger as sai’ kemmen gamòcht sai’ gahenk gaben en de doi hòrt zait as s hòt se gahòltn en Bersntol aa. De ingern derver sai’ kemmen galept van kriager ont derbail der sònsta vergòngen sai’ vil gaben de trèffn as hom klòfft va de doi zait.

En de vria hòt men gameicht gea’ za mòchen zboa tritt as de jecher ver za sechen de kriagerstaigler ont òll sell as s ist plim van kriag. Zobenz hòt men inngabichen a letrataustell ont ber as hòt gabellt hòt gameicht toalnemmen en gea’ no de tritt van kriager ont schraiber Robert Musil.

En sònsta nomitto finz zobenz spat, hòt men pfuntn de Sog van Rindl ont der Filzerhof offet ver za schaung filmatn ont vertraim se a ker de zait pet kloa’na arbetler. S ist gaben a nòcht ver za tea’ eppes ònderst: a nòcht ver za lem s Bersntol ont nèt vergèssn de hòrt zait vergòngen.