In sunjo barta tüan offe dar naüge zentrum zo raita atz grass vodar Lait

Lo sci d’erba nasce in Germania attorno al 1960 ed oggi è praticato a livello agonistico in 18 nazioni, tra europee ed extraeuropee, con un circuito di gare internazionali, una coppa del mondo, un campionato del mondo junior ed uno assoluto. Il Centro Sci d’erba Rivetta, nel Comune di Luserna, nasce dalla collaborazione dello Sci Club di Levico e della società Lavarone Ski. All’interno, per tutta l’estate, si troveranno atleti e allenatori specializzati che organizzeranno corsi per tutti i livelli. Verranno allestite anche un’area noleggio e pulizia dell’attrezzatura ed un’infermeria. Lo sci d’erba, sicuro e divertente, va così ad implementare di uno sport invernale un’offerta turistica già molto ampia anche nella stagione estiva.

Snea un skin: zboa sachandar boma khödat ke niamat mage toaln. Azta iz snea soinda di skin un azta soin di skin mada nètt soin åndarst baz dar snea: ma iz propio asó? ‘Z sega daz sèll bobar håm zo kontàranaz haüt asó iz propio nètt umbrómm ma möge raitn afti grümman bisan o. ‘Z iz dar gekhennate “sci d’erba”, skin atz grass, khödapar az pe biar.

Ma nützt nètt skin azpebar alle soin gebonnt z’ sega, magare lengar odar kürtzar, betar rodar engar, mearar gevèrbet odar mindar geverbet ma soins sött kurtze rulle boda anvetze baz slipfan rödlnsa. In di djar ’70 disar sport vor a baila zait iz gest famosat un ettlane soins gest di raitar. Dena, furse schult di atrezature boda soin nètt khent vornaügart genumma, disar sport hatt parìrt gian vorlort ma alz ditza iz vorgånnt: haüt makma khön ke dar sport zo raita atz grass iz gebortet an åndra bòtta.

Un asó sidar a par djar, aft ünsar Hoachebene o, disar sport iz bidar khent eppaz gåntz bichte gratzie in Sci Club vo Leve un in feroin Lavarone Ski boda håm zornìrt di piste vodar Lait zo macha trèffan di pest loavar atz gras vo achtza Natziongen aft’i bèlt. Berda insorìrt von snea un von skin un bill provàrn bia ‘z iz raitn balda raift ‘z höbe mage gian in naüge zentrum vodar Lait boz mage vennen maistre un alenatör boda mang abelirnen un boda haltn korse vor di khindar un vor alte.

In di Lait izta khennt augelekk a plaz boma mage vorzisan si skin un di skarpü, boma mage beschan un öln di rulle un azma hettat abe z’ schèrbase, valn atz grass iz nètt azpe valln affon snea, izta lai boroatet an infermeria. Atz åndre saitn o makma machan disan sport ma zo kheara aubart mochtma nützan soine schinkh azpe ‘z iz gest disedjar pinn djüstn skin. In di Lait anvetze izta dar impiånto vo skilift boda pitt vil mindar fadige trakkaz bidar au zöbrest.