Haüt vorsbaraz no guat zo halta a vedar in di hent

Wi-fi, e-book e tablet sono la nuova frontiera dell'istruzione: una scuola sempre più social e all'avanguardia. Ma quali sono le conseguenze di queste scelte? I nostri ragazzi sono ancora capaci di scrivere con la penna, senza il copia-incolla dai grandi portali internet? Scrivere la propria lingua è una tradizione millenaria, scrivere qualcosa è invece la più grande espressione della mente umana.

Dar gebinn Tönle Bintarn kheart bodrumm atz Lusérn ka boinichtn. Dopo z’ soina gest in di Dritza un in di Sim Kamoündar dar bichtege konkors z’ schraiba da Zimbar Zung kheart da huam. A zung, zo stiana lente, hatt nètt lai mångl zo soina lai giredet, ma z’ mocht khemmen gischribet o. Artìkln, lettarn, zettela zo giana zo provédra, un est libadar o.

Vert, di Luisa bibliotekardja hatt geschribet ‘z stordjele “Gloam” boda kontart vo zboa djunge puam bodase soin gevuntet in kriage. Proprio di schümma stordja hat gibunnt in Prais "Tönle Bintarn", an konkorso vo geschraiba in da zimbar zung, nètt lai az pe biar ma pittar Zimbar Zung von Sim un von draitza kamöundar. Disar konkors iz khent gihoazt “Tönle Bintar” zo gidenkha in personàdjo von groaz libar von zimbar schraibar Mario Rigoni Stern, “Di stordja von Tönle” boda sidar zboa monat makmase lesan az pe biar o.

Haür o, dar Kulturinstitut Lusérn, pittnåndar pittn Curatorium Cimbricum Veronese un pinn Zimbrische Istitut vo Robån, zo untarstütza, zo halta au un zo traga vür 'z gischraiba in di zung von Simm Kamöundar, von Draiza Kamöundar un vo Lusérn, lek bidar au disan prèmio, bo da bill khemmen vürgitrakh vor di djar boda bartn khemmen o. Allz ditza bill munen ke bar håm zo giana vürznen gloabanteke ma mage nützan ünsarna zung in alle di okasiongen, di sèllnen ofitschiàli o, un ke bar mang schraim az pe biar alle di sachandar bo bar bölln khön, sbere o.

‘Z izta nicht bo ma nètt mage schraim az bi biar. No eppaz biche zo gidenkha iz ke nètt biane stördje von konkors soin khennt von åndre zimbarn kamöundar: di Lusérnar alóra soin nètt alumma vür zo traga da Zimbar Zung, boda no iz no di zung von hèrtz vor vil laüt bodase bölln alle haltn au. In konkorso mangda nemmen toal alle di laüt gibortet vor in earst vo djenàro 2000, bo da bartn mang zornìrn z’ schariba daz sèll bosa bölln, stòrdje odar poesìe, tüat az saibe az pe biar un nètt lèngar baz vürtzatausankh batùde.

Di stòrdje bartn nètt mochan håm drinn sachandar bo da magatn machan vorstìan ber 'z hattze gischribet, un mochan khemmen gischikht in Kulturinstitut Lusérn nètt spetar baz in lest tage vo otóbre. Di vünf pestn stòrdje bartn gibinnen eppaz schümmaz vorumma un bartn khemmen premiart auz pa ditzembre durch bidar atz Lusérn.