En sònsta vergòngen as de vimva van heibeger, hòt se gahòltn de bais nòcht en Bersntol.

En sunta vergòngen, as de vimfontzboa’sk van moi, an ettlena lait va Vlarotz hom se se pfuntn za gea’ as Panait za vuas. Men organisiart s doi gea’ en gapett òll jor ont òlbe derbail s mu’net va de Madona. S ist an vurm za glaimern se mear en de kirch ont tea’ eppes ver sich sèlbst.

En earste to van prochet bart se hòltn kan Kaserbisn, en Vlarotz, de zboate austell va de Plètzet goas van Bersntol. Der to s ist en an sunta asou ber as s ist hoa’m ont boast nèt abia za vertraim se de zait, hòt de moglechket za vinnen se pet de kamaròttn ont de lait van Tol za verhòltn se..

Pol s barn verpaigea’ van Tol de radlerer as mòchen der Balschlòntring. De sai’ vortgòngen as de naina van doi mu’net ont hom gamòcht drai to en auserlònt. De hom se ausgaròstn pet en kemmen trong ano en ourt van Balschlònt bou hom u’gaheift der sai’ ring keing anau.